我寫呢篇文章，只想用親身實測個人 MoneyHero 及 小斯 受騙 中伏 經驗，絕對唔係為咗呃Like，亦唔係要針對某幾間公司，而係想同大家講世界上冇免費午餐，兼且吐出好多苦主嘅心聲！近排我不斷喺網上討論區同社交群組，見到有好多讀者報料，話經過一啲知名嘅中介平台申請信用卡或者證券戶口，明明自己跟足所有要求，禁左條referral link，入埋介紹專屬邀請碼、簽夠卡數、入夠錢，點知最後竟然拎唔到當初應承嘅迎新禮品！平台方面就用各種理由推卸責任，最後不了了之。
由於報料嘅人愈來愈多，我決定親自落場，做個「白老鼠」實測，睇下係咪真係咁伏！點知，結果同大家嘅遭遇一模一樣——全部中伏，連條毛都攞唔到！ 以下就同大家分享我嘅慘痛經歷同分析。
親身實測，睇下點樣在 小斯 Moneyhero 中伏
為咗有說服力，我專登揀咗兩間最多人討論嘅平台嚟試，一間疑似有好多打手讚佢做到野的小斯，另一間經常被黑的Moneyhero：
實測一：經「小斯」申請證券戶口 中伏
- 過程： 見到「小斯」網站大大隻字寫住，申請長橋證券戶口並存入指定金額，就可以獲得幾百蚊超市禮券。吸引力十足，我即刻跟足指示申請。
- 跟進： 戶口好快批咗，我亦準時入咗所需金額$10,000。之後我按指示，亦都填埋喺平台嘅google form，系統顯示「申請已提交」。
- 結果： 等左2個月，終於收到EMAIL，但佢將責任推比長橋證券，話長橋果邊回覆話我唔係經佢開戶，佢叫我經開戶渠道攞返個奬賞，最絕一點喺佢話因為個人私隱，佢地無權過問長橋證券開戶渠道而將整個奬賞推得一乾二淨!
- 其它類型理由: 有網民話佢成日用平郵寄出扮寄失現金coupon，寄差唔多千蚊coupon都用平郵?
- 疑似打手: 在lihkg中你會揾到大量對小斯好評，並同時間差評moneyhero，抬高小斯，本人懷疑其真實性。
留意: 小斯亦曾經以35%年利率招徠網上讀者申請JPEX買賣加密貨幣，若果他明知JPEX是騙局都介紹人申請的話，疑似有明顯犯罪意圖。
實測二：經「MoneyHero」申請信用卡 中伏
- 過程： 呢單更經典！見到大字標題話「限時送 $2000Apple禮品卡」！諗住大平台穩陣啦掛？於是又乖乖地申請，並且準時簽夠指定金額。
- 跟進： 同樣跟指示填妥網上換領表，收到確認電郵。
- 結果： 之後就係漫長嘅等待以及以下email內容: “According to Citibank, their record has shown that your application is not eligible for MoneyHero exclusive offer, which could be due to reasons below including but not limited to: 1. Application submitted via other channel 2. Ad-block or similar settings enabled in browser / visiting other websites during application 3. Existing customer before application…….” 內容基本上跟小斯的差不多。
兩單測試，結果一致：申請過程極度順暢，但換領獎賞就難過登天！ 我嘅親身經歷，正好印證咗網上不記其數的苦主所講嘅情況，絕對唔係個別事件！
其它無良平台常用嘅「拖數」理由大全
根據我同其他苦主嘅經驗，呢啲平台嘅客服或者條款，通常會用以下幾招嚟解釋點解你攞唔到禮品，大家不妨對照下自己遇過幾多項：
- 「需要同銀行/證券行核對資料，需時較長」
- 呢招係「萬能Key」，用嚟過第一關。佢會將責任推去銀行度，話對方未提供名單，但實際上可能根本冇同銀行確認過。
- 「閣下嘅交易記錄不符合條款中嘅細則」
- 呢招最陰濕！當你追到佢無路可退，就會搬出呢句。但問佢具體違反邊一條，十問九唔應，總之就話你「不符合資格」。
- 「換領申請未獲批核／資料不全」
- 明明你提交文件時系統話成功，但幾個月後佢可以話你當時漏咗某頁文件，或者話你張截圖唔清晰，總之係你錯。
- 「有關優惠名額已滿」
- 呢個係終極大絕！佢哋會話「首XXX名合資格客戶先有」，但個優惠廣告可能長年掛喺網站首頁，從來冇講過名額有限，到你申請完先同你講「滿咗喇」！
- 「客服機械式回覆，然後失蹤」
- 不斷用罐頭電郵回覆你，內容一模一樣。到你追得太緊，佢哋索性唔覆，等你自己放棄。
大家發現未？以上理由全部都係將責任推卸俾客戶（你資料唔啱）、合作伙伴（銀行）或者客觀環境（名額滿），平台自己就永遠「冇責任」！
點解難以追究？苦主可以點做？
好多人問：「咁呃人，點解唔報警？」問題就喺度！呢啲平台好狡猾，佢哋嘅條款寫到滴水不漏，充滿大量對佢哋有利嘅免責條款。例如「優惠受條款及細則約束」、「本平台有最終決定權」等等。法律上，好難證明佢哋「存心詐騙」，最多只能話係「兌現承諾緩慢」或「行政混亂」，警方好難立案。而正常人亦冇任何證據同佢地理論，所以令到佢地可以逍遙法外。
天下沒有免費的午餐，但也不應有「騙人的廣告」
大家都明白「天下冇免費午餐」，迎新優惠本身係一種市場推廣，邊有可能每位申請人都送幾千蚊coupon? 你覺得銀行同證券商真喺會每人派幾千蚊做宣傳? 佢地連waive信用卡手續費都唔容易，明白左就知咩野事，其實佢地運作同柬埔寨電騙一樣，而且風險低回報又高。但作為消費者，我哋有權要求一個公平、透明嘅環境。如果一間平台長期以「超高額獎賞」作招徠，但十個有九個客都攞唔到，咁同誤導甚至欺騙有咩分別？政府點解可以唔做野?
我寫呢篇文，就係想用自己嘅親身經歷，提醒各位香港人：選擇第三方平台申請優惠時，真係要打醒十二分精神！ 與其相信佢哋畫出嚟嘅大餅，不如直接去銀行官網申請，雖然禮品可能冇咁「吸引」，但起碼穩陣妥當，唔使浪費時間同佢哋周旋。