嘩，澳門真係少左好多游客，多左好多酒店，唔同酒店又有唔少優惠。今年無意之中比小編發現到 澳門永利皇宮 纜車 靜雞雞改做免費任搭，所以立即話比大家知，趁住假期可以去坐下。最好既就係唔洗住客都可以免費坐。之前比左 $100去搭既人真係心痛死啦!
比番少少背景大家先，澳門永利皇宮在上年2016年8月22日正式開幕， 果時開幕期內，澳門本地居民只要出示有效澳門居民身份證，就可以免費搭原價澳門幣100元的纜車，所以好多旅客仲要比$100!
之後有網民教路，去官也街搵永利皇宮的shuttle bus站頭攞免費飛，雖然佢未必會主動’’撩’’你，但如果你地真係想去坐環湖觀光纜車開口問職會都會給你的。
再之後又有網民話 係晚上見到港澳碼頭往發財車條遂路有得派免費飛，即係唔洗開口就有，不過要排長龍坐。
而家就更簡單，飛都唔洗攞，直接去坐就免費，小編今次 weekday 實地試坐，完全唔洗排隊, 當然唔洗比錢啦! 不過，小編都有入去飲個茶消費下! 至於是否所有日子都免費，小編就不肯定。
澳門永利皇宮纜車 詳細運行時間
每日早上10時至午夜12時（最後一班11:45分）
來回程時間為10分鐘
價錢：免費 (不過唔肯定是否永久費免及是否任何時間都是免費，想了解更準確費用，可到官網查詢。)
觀光纜車是進入永利皇宮的其中一個方式，訪客乘坐觀光纜車，可於28米（91 呎）的高空俯瞰表演湖及路氹景觀。每當賓客經過表演湖的北面及南面時，仲有條金龍迎賓，而特別訂製的音響系統更會為賓客介紹表演湖的舞動噴泉表演，以及路氹城區景色。
除左 澳門永利皇宮纜車，其實永利皇宮都幾抵住，設備夠新又豪華， 整間酒店用不同的金黃色做裝修，分別有”日出黃”和”日落黃色”，走廊金黃得黎都幾有貴氣，而且好舒服。
而家房價最平 HK$1,016 ，大家可以去 hotelscombined 格價 或 其他網站如 Agoda 查詢酒店價錢。
